شام أورو هو منصة بسيطة بتساعد الشباب السوريين يبدأوا مشاريعهم الصغيرة من خلال دعم مالي (منح أو قروض صغيرة)، ونشر أفكارهم، وتوفير فرصة شراكة، وتعلّم المهارات الأساسية للبداية.

حالياً في نوعين من الدعم:

1. منح (ما بتترجّع)
2. قروض بسيطة بلا فوائد، لازم ترجعها بعد فترة بتتفق عليها.
   نوع الدعم بيتحدد حسب المشروع وحالته.

بتعبّي نموذج بسيط عن فكرتك أو مشروعك بقسم التواصل معنا، وإذا تم قبوله من الفريق أو المجتمع، بيتواصلوا معك لتكمل الخطوات.

ما بتحتاج سجل تجاري ولا أوراق رسمية، بس بدنا تكون عندك فكرة واضحة، هدف حقيقي، واستعداد تشتغل بجد.

إيه، بس لازم تمر فترة بين الطلبات، ويكون في سبب واضح للتقديم مرة تانية.

من خلال طرق دفع متاحة بسوريا (مثل حوالات ويسترن يونيون، حوالة داخلية، أو أي طريقة متّفق عليها).

ناس من المجتمع، سوريين بالخارج، أو داعمين بيحبوا يساعدوا الشباب يبلشوا.

إيه، في تواصل معك بعد ما تاخد الدعم لنتأكد إنو الأمور ماشية، ونساعدك إذا احتجت نصيحة.

نحنا ما منضغط عليك، ولا منعاملك كبنك. منلحّق الموضوع سوا، ونتفاهم على طريقة تسديد تكون مريحة لإلك وتناسب ظروفك.

وفي بعض الحالات، إذا حسّينا إنو مشروعك واعد، ممكن حتى نعرض نشتريه بالكامل، أو ندخل معك كشريك.

وإذا أثناء التواصل اكتشفنا إنك بتملك مهارة أو اختصاص بيفيدنا (مثل البرمجة، التصميم، أو التسويق)، فينا نتفق إنك تسد جزء من تمويلك من خلال شغل معنا أو مع أصحاب مشاريع تانيين ضمن الشبكة.
يعني بدل ما تدفع، بتشتغل وبتساهم — وبتموّل مشروعك بمهارتك.

ممكن بالبداية نتواصل بأفكار عامة قبل التطبيق، وبحال توافقنا بالأفكار ممكن نعرض عليك توقيع عقد تحفظ فيه حقك كمالك للمشروع أو كشريك.